Buffon vjen me një koment epik

Futboll 14 Shkurt 2020 14:08

Gianluigi Buffon vazhdon të luajë me Juventusin edhe pse ka mbushur plot 42 vite.

Ai ishte titullar në ndeshjen e parë gjysmëfinale të Kupës së Italisë, në të cilën Juventusi barazoi 1-1 me Milanin në San Siro.

Pas ndeshjes, italiani kishte ndërruar fanellën me Daniel Maldinin, djalin e legjendës italiane dhe të Milanit, Paolon.

Në konferencë pas ndeshjes, Buffon tregoi se koleksionit të tij i kishte shtuar edhe një fanellë, ndërsa krijoi të qeshura me fjalët e tij.

Buffon tregoi se tashmë ka ndërruar fanellat me katër legjenda dhe djemtë e tyre, ndërsa po pret nipërit para se të pensionohet.

“Në koleksionin tim kam fanellat e Enrico Chiesas dhe djalit të tij (Federico), George Weah dhe djalit të tij (Timothy), Lilian Thuram dhe djalit të tij (Marcus) dhe tani Paolo Maldini dhe djalin e tij”.

“Tani po pres nipërit e mbesat e tyre!”, ka thënë Buffon pas ndeshjes.

-->